Хэл
Хайлт
Бүх цэсийг харах
Шууд шилжих:
Тоглоом ба таны хүүхэд
Хүүхэдтэйгээ хамт тоглох нь тэдэнд шинэ зүйлсийг сурахад тусалдаг. Хамтдаа тоглох үедээ та тэдэнд илүү сайн сурч, хөгжих боломжийг бүрдүүлж байдаг. Хүүхэд тань юунд дуртайг ажиглаж, тоглох үед нь нэгдээрэй - энэ нь тэдний өсөлт хөгжилтөд тустай
Тоглоомоор дамжуулан хүүхдийг хөгжүүлэх зөвлөмжүүд:
- Хүүхдийнхээ хийх дуртай зүйлийг дагаарай.
- Тоглохдоо янз бүрийн тоглоом, дуу чимээ оролцуулж сурахад нь туслаарай.
- Тоглох цагийг зугаатай байлгаарай - инээмсэглэл, инээд нь тэдний тархины өсөлтөд дэм болдог.
- Тэдний сэтгэл хөдлөлд анхаарал хандуулж, тэдэнд сэтгэл хөдлөл болон нийгмийн ур чадварын талаар ойлгон, суралцахад нь туслаарай.
- Хүүхэдтэйгээ хамт тоглоорой, тэд таныг ажиглан суралцдаг.
- Тэдний сонирхлыг татахын тулд шинэ зүйлсийг туршаарай.
- Аюулгүй байдлыг нь хангахын тулд хараа хяналтаа бүү салгаарай.
Хүүхэд тань өсөхийн хэрээр маш их зүйл суралцаж байгаа боловч үүнийг дагаад тэдний аюулгүй байдлыг хангахын тулд та илүү олон зүйлд анхаарах хэрэгтэй болдог. Энэ нь заримдаа таныг болон хүүхдийг тань бага зэрэг сандаргаж болзошгүй.
Энэ үед та хариу сэтгэл хөдлөлөө хэрхэн илэрхийлж байгаагаас тэдний цаашдын нийгмийн ур чадвар болоод сэтгэл зүйн хөгжилд нөлөө үзүүлдэг. Тоглох үеэр хүүхэд тань олон төрлийн сэтгэл хөдлөлийг илэрхийлэх магадлалтай. Тэд нэг хоромд аз жаргалтай, сэтгэл хангалуун байж, дараагийн хоромд урам хугарах эсвэл уйдаж болно.
Жилийн сүүлийн хагаст хүүхдийн өсөлт маш хурдтай явагддаг бөгөөд энэ нь зарим эрсдэлтэй, аюултай байдлыг бий болгодог бөгөөд хүүхэд болон эцэг эхэд аль алинд нь тодорхой сандрал, санаа зовнилыг бий болгодог.
Хүүхдийн хийх дуртай байж болох зарим зүйлсээс дурдвал:
- Шинэ зүйлсийг туршиж үзэх болон өөр өөр орчинд байх жишээ нь дотор болон гадаа байх
- Хангалттай хөдлөх зайтай газар хөдөлж, өнхөрч, мөлхөж болон босож зогсох
- Хөдөлдөг эсвэл хөдөлдөг хэсэгтэй тоглоомоор тоглох
- Үлгэр сонсох, ялангуяа ээж эсвэл аав нь сэтгэл хөдлөлтэйгөөр уншиж өгөх
- Шинэ зүйлсийг туршиж үзэхийн тулд биеэ хөдөлгөн, өнхөрч, авирч, мөлхөх гэх мэт үйлдэл хийх
- Хөөс, ус, туузаар тоглох эсвэл модны навч хөдөлж байгааг харах
- Тоглоомон хөгжмийн зэмсгээр дуу гаргах, дуулах эсвэл зүгээр л тоглоомоор дуу чимээ гаргах зэрэг багтана.
Хөлд орох
Мөлхөх
Идэвхтэй тоглох санаануудаас
Тоглох нь хүүхдийн тархины хөгжлийг дэмжиж, биеийн хөгжлийг сайжруулдаг. Хүүхдэдээ дотор болон гадна орчинд аюулгүй тоглох хангалттай боломж өгч байгаарай.
Хүүхдүүд илүү идэвхтэй болохын хэрээр тоглож болох тоглоомын сонголтууд нэмэгдэж байдаг:
Дэс дараатай, зааварчилгааны дагуу хийгдэх зүйлс
- Хүүхдийн усанд сэлэлтийн анги
- Хүүхдийн гимнастик эсвэл тоглоомын бүлгүүд
- Хөгжмийн анги
Тодорхой бүтэц, дэс дараагүй тоглоомууд
- Цэцэрлэгт хүрээлэнд савлуур болон гулсуур дээр тоглох
- Бөмбөг өнхрүүлж бас хөөцөлдөж тоглох
- Тоглоомон машин эсвэл тэрэг түрэх
Гэрийн доторх эд зүйлсийг ашиглан хийж болох зүйлс
- Хуванцар савнуудыг бөмбөгөөр тоглохдоо ашиглах
- Хувцасны сагсанд бөмбөг өнхрүүлэх
- Дэр болон буйдангийн зөөлөн түшлэг дэрээр тоглох
Нэмэлт санаануудыг Гэрийн доторх эд зүйлсээр хүүхэдтэйгээ хамт тоглох нь нийтлэлээс уншина уу.
Гадаа орчинд хүүхдээ тоглуулахдаа
- Нарнаас хамгаалах: нарны тос түрхэж, малгай болон сул хувцас өмсгөх
- Ус болон эрүүл зууш авч явах
- Өдрийн хамгийн халуун цагт тоглохоос зайлсхийх нь зүйтэй.
