Таны хүүхдийн хөгжил (8-12 сартай)

9 сартай орчимд хүүхэд юу чаддаг болсон байдаг вэ?

Нийгэм ба сэтгэл зүйн хөгжил

• Ээж эсвэл аав нь орхиж явахад уйлах
• Шинэ газар очих эсвэл танихгүй хүмүүсийн дэргэд байхдаа айх
• "Нуугдаж тоглох" буюу “peek-a-boo” тоглоход инээнэ. 

Хэл яриа болон харилцааны хөгжил

• Нэрийг нь дуудахад харах
• Толгой сэгсрэх эсвэл баяртай хэмээн гараа даллах зэрэг дохио зангаа ашиглах
• Ярьж байгаа мэт дуу авиа гаргах
• Тэврүүлэхийг хүсвэл гараа дээш өргөнө.

Танин мэдэхүйн хөгжил (суралцах, бодох, асуудал шийдвэрлэх)

• Эд зүйлсийг сэгсрэх, цохих, шидэх зэргээр тоглох
• Хоёр зүйлийг хооронд нь харшуулан цохих
• Унагасан зүйлээ хайх (жишээ нь халбага эсвэл тоглоом)
• Эд зүйлсийг саванд нь хийж мөн буцаан гаргана.

Хөдөлгөөн ба биеийн хөгжил

• Дэмжлэггүйгээр өөрөө суух
• Нэг гараасаа нөгөө гар руугаа эд зүйлсийг дамжуулах
• Хоолоо өөртөө ойртуулахын тулд хуруугаа ашиглах зэрэг багтана. 

12 сартай орчимд хүүхэд юу чаддаг болсон байдаг вэ?

Нийгэм ба сэтгэл зүйн хөгжил

• Нуугдаж тоглох буюу "peek-a-boo" тоглох
• Бусдын анхаарлыг татахын тулд тодорхой дуу авиа болон үйл хөдлөлийг давтан хийнэ.

Хэл яриа болон харилцааны хөгжил

• Өөрөөс нь ямар нэгэн зүйл хийхийг хүсэхэд ойлгох
• Алга таших гэх мэт дохио зангааг ойлгох
• Бусдын хэлсэн үгийг дуурайн хэлэхээр оролдох
• Зарим энгийн үгс болох "аав", "ээж" зэргийг хэлэх 
• Тантай хамт тоглохыг хүсвэл ном эсвэл тоглоомоо танд авч ирж өгөх зэрэг үйлдлийг хийнэ. 

Танин мэдэхүйн хөгжил (суралцах, бодох, асуудал шийдвэрлэх)

• Нуусан эд зүйлсийг хялбархан олох
• Зурагт үзүүлсэн зүйлсийг нэрлэхэд зөв зураг руу харах
• Таны хийж буй зүйлсийг дуурайх
• Юмсын учрыг олж, зохих байдлаар нь хэрэглэж эхлэх, жишээ нь аяганаас ууж сурах
• Эд зүйлсийг савнаас гаргах болон буцааж хийх
• Хуруугаараа заах
• Зааврыг биелүүлэх жишээ нь тоглоомоо аваарай гэхэд авах зэрэг багтана.

Хөдөлгөөн ба биеийн хөгжил

• Юмнаас татан, өөрөө босох
• Тавилга түшиж алхах
• Ганцаараа зогсох 
• Дэмжлэггүйгээр хэдэн алхам хийж чаддаг болсон байж болно.